衞詩翻生變「伊甸娃娃」
自去年藏毒事件後，衞詩（Jill）昨日首度復工，與森美和陳敏之等出席福音電影《翻生奇兵》記者會。身穿紗裙、頭戴花環的她化身「伊甸娃娃」，承認過往像夏娃般受不住引誘做錯事：「係囉！每人犯過一啲罪，神會令你所有罪洗晒！（憑套戲『翻生』？）係God令我翻生！」她直認要老闆黎明點頭才可翻生：「好開心，公司畀我做呢份工作，係好大福氣！」
Jill坦承希望之後繼續有工作，但要一步一步進行：「希望做好自己，畀信心公司！（乖乖哋？）唔會再曳！」她承認跟經理人陳善之見面，是希望這部戲後再有計劃，並肉緊地表示很想唱歌。但Jill堅稱不會在家姐衞蘭的個唱獻唱：「唔想外界將焦點放喺自己身上，屆時父母都會捧場！」
Jill化身「伊甸娃娃」，造型令人一見難忘！
森美（左起）、劉以達、Jill及陳敏之合作拍戲，配搭充滿驚喜！