周秀娜赴台床戰蕭敬騰
周秀娜（Chrissie）昨日與新八模成員Jeana及Suki出席Joyrich專門店開幕活動時，自爆將到台灣與曾志偉、蕭敬騰合作拍戲，女主角則是台灣演員林辰唏，Chrissie說：「我做一個女殺手。（變態殺手？）唔係，要打嘅。（有冇性感演出？）會同蕭敬騰有啲好密切嘅關係。（淨係有關係冇感情？同佢係打戲多定枕頭戲多？）兩樣都多。」又自言普通話OK，若用到Body Language溝通亦沒有問題。
另外，Chrissie表示未有時間了解施政報告，對於規定樓價要以實用面積計算，她表示贊成：「依家儲緊首期，其實錢都夠，不過未係時候買，覺得貴咗。（同男友一起儲錢買？）冇，我諗住買畀屋企人住嘅。」
Suki、周秀娜及Jeana，與Joyrich首席設計師Leah Schmidt出席活動。