祖兒執教鞭招攬幕後人才
擁有天后容祖兒及天王古巨基的英皇娛樂，為了栽培幕後精英，決意開設英皇演藝創意學院，為立志闖娛樂圈的年輕人鋪出青雲路。
據英皇行政總裁吳雨表示，公司有英皇新秀栽培歌手，但香港娛樂圈幕後人才凋零，故公司繼03年於北京開設演藝學院發掘內地人才後，今次目標則轉戰香港：「香港娛樂圈欠缺幕後人才，所以公司決定喺香港設校，希望吸納有志喺娛樂圈發展嘅人，學成之後有機會成為英皇員工，亦歡迎其他唱片公司羅致。」
聘用A級導師
為了教出一級學生，英皇除聘用A級導師任教外，更出動公司旗下精英現身說法，吳雨說：「除咗我之外，Mani（霍汶希）、旗下藝人都會講自己嘅經驗，好似容祖兒、古巨基、鍾欣桐、蔡卓妍同泳兒等。」
一條龍乜都有
環顧現今香港娛樂圈，吳雨認為有很多課程培育幕前人才，如唱歌、跳舞、演戲，不過欠缺幕後專才培訓：「呢個圈好多嘢喺大學冇得讀，好似經理人管理、藝人包裝、同客人傾生意，點樣栽培藝人，仲有作曲、填詞、唱片同演唱會製作，全部幕後課程，一間真正完善嘅創意學院，一條龍乜都有晒！」
祖兒客串任導師，令學院吸引力大增！ (資料圖片)
泳兒以靚聲聞名，未知會否分享養聲心得？ (資料圖片)
鍾舒漫能歌善舞，被不少人視為學習目標。 (資料圖片)
鍾欣桐（左）與Mani分享在娛樂圈的生存之道，應該很吸引。 (資料圖片)