多數唔使留案底
樂隊Mr.主音布志綸（Alan）前晚在九龍塘與人發生爭執後有人報警，昨日警方證實Alan被拘捕，准以五百元保釋候查，下月初需再報到，案件列作普通襲擊案，交由九龍城警區接手調查，受害人為吳姓男子。
黃國桐律師說：「警方列作普通襲擊案，可能因為布志綸當時有所動作。（布志綸同Sally話吳姓男子當時爆樽，點解佢冇事？）問題係『爆樽』還是『跌咗個樽落地』？警方會考慮各人口供嘅內容，最重要合邏輯。」對於刑罰，他說：「如果冇見血又冇人受傷，只係推推撞撞小糾紛，通常可以具結擔保處理，即係不起訴同不留案底自簽擔保，亦會視乎被告有冇暴力前科，或者事件仲有冇內情。」
去年Mr.突圍而出，於多個音樂頒獎禮均獲得獎項。(資料圖片)