圈中友力撐網友質疑有內情

蔡穎恩（Mr.成員鼓手Tom的緋聞女友）在微博留言支持布志綸：「take care po chi!!no worry!!everyone understand lei ga!!support!!」

關楚耀：「最緊要平安冇事，男人應該企出嚟保護女仔，佢做得啱，如果自己遇到會企出嚟幫女仔，好小事！冇乜嘢。（搵佢？）有打畀佢，知佢唔喺香港。」

麥家瑜：「同Alan好好朋友，主要傾音樂，冇提感情，SMS佢冇覆，佢係師兄識處理，自己睇報道時好擔心，最緊要人冇事。」

梁詠琪：「唱得似陳奕迅嗰個呀？男女之間有佢哋處理方法，依家最緊要睇Alan處理得好唔好，否則影響形象。（佢喺電台澄清？）咁即係冇事，完啦！」

陳柏宇：「三個人一定有誤會，相信小事化大。」

Mr.粉絲在討論區留言表示擔心，又力撐Alan︰「百分百相信布志綸。」表示清者自清，相信Alan很快冇事。粉絲einnas alan於微博留言：「嚇死我喇!!!不過無論點都相信你，都咁支持你。」Baby_Fiona亦寫道：「沒事就好了。」但亦有網友認為Alan形象會受損，又質疑為何借叉電器會借到上車，直指事件充滿疑惑。