Canon女Melanie Z.忘情響警鐘濺血
Canon第三代廣告女郎Melanie Z.因一個噴血廣告上位，她與第一代女郎Jessica C.共通之處，就是有對「警鐘胸」。Melanie日前於深水灣卻因「曬警鐘」出事，血濺沙灘，幸得同行妹妹Katie打救，上演一幕姊妹情深！
雖然已是十月深秋天，但近日氣溫又見回升，Melanie Z.日前與現年20歲的妹妹Katie到深水灣曬太陽，兩位索女甫現身已吸引不少泳客投注目禮，當她們選好落腳點開始擺放東西時，更有泳褲阿叔索性靠着大樹起勢(目及)，但Melanie兩姊妹卻不以為然繼續傾偈，期間不經意俯身晒出33B警鐘胸。
玩潑水嚇走泳客
Melanie與妹妹於沙灘曬了約20分鐘後，便雙雙準備落水，但二人未有暢泳，反而充滿童真的互相潑水，玩得興起時又笑又叫，身邊的泳客見狀惟有「游遠啲」，不料兩姊妹卻樂極生悲，Melanie潑潑吓水突然慘叫一聲，隨即停手兼皺眉，一臉痛苦狀，但未見有英雄救美，連泳褲阿叔亦未有伸出援手，Katie見狀即扶家姐上岸，並為她查看腳板底，相信是在水中被割傷。Katie為Melanie塗上隨身自備的藥膏，隨後再收拾細軟離開。
唔知畀阿叔喪(目及)
事後記者致電Melanie問候，她表示當日只是被貝殼(界)傷腳板底，流了少少血，但貼上膠布後現已痊愈，亦沒有影響工作。
問到在沙灘被喪(目及)，Melanie說：「我唔知有人望我哋，同妹妹當日都冇留意有阿叔望，香港天氣又濕又太熱，所以先去沙灘消暑，以後會小心啲，會留意多啲四周圍防範吓！」
Melanie Z.
出生日期：1985年10月2日
三圍：33B、24.5、35.5
身高：177cm
新一代Canon女郎Melanie Z.樣子甜美，近期獲廣告帶挈，不時出席商場活動。
Jessica C.拍Canon廣告後爆紅，最近更到荷里活試鏡。資料圖片
腳底中招割傷後，Katie（右）即扶Melanie上岸。
Melanie（右）與Katie感情要好，還為她整理衣裝。
兩姊妹甫落水即玩到忘形，充滿童心。
Melanie與Katie現身沙灘，即「誘」泳客眼望望。
