城城生日默認搵Lynn陪
郭富城昨日以聯合國兒童基金香港委員會大使身份出席慈善活動，今年是他入行20周年，他透露最近正籌備推出紀念大碟：「都緊張o架！會有我參與嘅作品，之前交咗兩首慢歌，但想作一首快歌，因為大家都覺得我係個動感嘅歌手，希望聖誕前可以出到。」
另外，城城暫定於下月開拍3D電影《大鬧天宮》，有指他的片酬比同片的周潤發及甄子丹低，他說：「都唔準啦！（你唔止800萬？）呢個唔講喇！每人唔同階段都有佢嘅價值，最重要係我鍾意個角色，同埋係個新挑戰。」至於日前其緋聞女友熊黛林（Lynn）生日，城城未肯透露有何表示，提到他本月26日生日，城城坦言以工作為先：「身邊好多朋友都叫我一定要預留時間同佢哋慶祝。（同最愛？）我媽咪？我都想同媽咪過。」問到城城是否三個人以兩女一男組合（指城城媽媽及Lynn）過生日，他只笑着點頭，未有正面回答。
城城昨日出席慈善活動時透露，最近忙於籌備紀念大碟。