莫文蔚有意翻撻初戀男友

被封為「黃金剩女」的莫文蔚昨日出席意大利時裝品牌活動時，憶起發生在意大利的初戀，她稱與初戀男友仍保持聯絡，知道對方單身，但有意翻撻舊愛。

昨日莫文蔚（Karen）為Liu Jo時裝店擔任開幕嘉賓，並聯同品牌行政總裁主持開幕儀式，獲對方送吻及獻花致謝，同場模特兒Amanda S.則示範新裝。Karen知道該品牌來自意大利，曾在當地求學的她對品牌情有獨鍾，她大讚：「意大利男仔又靚仔又熱情，食物又好食，所有嘢我都好鍾意。我嘅初戀都係發生喺意大利，不過初戀男友係德國人，唔係意大利人，我都覺得幾可惜。（冇意大利人追你？）嗰時得17歲，腦囟未生埋。」

她表示至今仍與初戀男友保持聯絡，知道對方單身，問到會否再續前緣？她笑說：「唔到我講，睇上天。（如果係都幾Sweet？）Sweet得滯！」Karen自言現時感情生活一片空白，但有其他事情充實自己。對於在台灣被封為「黃金剩女」，她頗自豪地說：「我覺得係一個讚美，有咁上下勁先可以做到。」

新MV有出浴鏡頭

另外，Karen將往新加坡宣傳唱片，她在其中一首歌曲的MV內有出浴鏡頭：「我拍戲都未試過出浴，今次益大家。下星期喺內地會有個好大型嘅亞洲首播，等大家睇清楚啲。」

至於Amanda坦言要在開蛋糕店前盡力行騷搵錢，記者指她搵得多，她反駁：「我要用嚟開蛋糕店同結婚，其實自七年前拍拖以嚟，男友就叫我買金，我都買咗唔少，但我唔會同佢講有幾多私己錢。」