Carol比堅尼打底死守3點

「浸大E神」楊梓瑤（Carol）及無綫「咪神」高海寧昨日出席電玩遊戲活動，兩人以性感軍Look鬥事業線，Carol更騷纖腰搶鏡，惟二人異口同聲表示擔心被紅外線透視偷拍。

楊梓瑤、高海寧及安志杰昨日以軍Look出席電玩遊戲活動，Carol指男友不喜歡打機，但愛打War Game，又坦言開學後變瘦，上圍縮水。面對高海寧的「事業線」，Carol騷胸兼將大會Tee剪短露腰搶鏡，兩人指服裝是大會安排，高海寧亦賣口乖表示各有各靚，讚Carol身材好。

「着羽絨都影到」

問到兩位性感女神可擔心成為紅外線透視偷拍對象？高海寧稱因患急性腸胃炎入院，未有留意偷拍報道：「知道有呢類高科技要小心，喺試身室試衫都好小心。（可能周圍有透視攝錄機？）避無可避，政府應該立例唔准用呢類機，如果唔係着羽絨都影到啦！（減少接性感工作？）經理人會揀。」

Carol亦不諱言擔心，但相信學校是安全的地方，她說：「戴幾多個Bra、着幾多底褲都見到。（膠質衫較保護？）咁着比堅尼打底。」至於會否減少性感工作？Carol表示會平衡性感工作及學業，並感激學校給予空間。