衞詩打動黎明拍戲重生

衞詩（Jill）因藏毒被Amusic老闆黎明放逐，期間Jill返教會靜思己過，落力自我裝備，本報前日拍到Jill跟黎明的好拍檔陳善之會面密斟，似乎有意復出捲土重來。

衞蘭妹妹衞詩去年三月跟前男友關楚耀同遊日本，卻因藏毒最後被判入獄2年、緩刑3年，當時老闆黎明派經理人陳善之飛到當地營救，返港後的Jill一直深居簡出，勤返教會靜思己過，更不時進修自我增值，誠意十足的她令老闆黎明動容。前日中午時分，本報拍到Jill跟陳善之於Coffee Shop見面，眼見清減不少的Jill戴上冷帽，以素顏示人。Jill跟陳善之全程有傾有講，不時咬唇點頭，未知是否傾談復出計劃，二人密斟近一小時後各自離開，Jill見到有記者影相，即時打電話求助，她邊急步逃走邊說：「唔好影啦！我依家返教會咋！」相反，陳善之透露剛剛有跟Jill商討復出的問題，他說：「都有傾吓，主要睇佢自己Ready未。（佢狀態點？）好好吖！今日冇化妝精神都好好，佢好乖做咗好多慈善活動！」據知，Amusic正為Jill前路暫定兩大方案，跟Jill解約讓她自行接工作，或繼續由陳善之擔任經理人，為她安排全面復出，而最近信奉基督教的Jill獲福音電影《翻生奇兵》邀請，跟森美、陳敏之及盧大偉等一齊演出，黎明見Jill表現良好而答應准予演出，讓她成功踏上復出的第一步，她今日將會於挪亞方舟多媒體博覽會跟同劇演員正式會見傳媒。

關楚耀戥舊愛高興

關楚耀（Kelvin）與衞詩曾經被形容為落難鴛鴦，已經重出生天的Kelvin得知舊愛能復出參演福音電影，也戥對方高興，他開心的說：「真o架？相信係神嘅安排，有機會拍電影企喺幕前演出，透過重生再次勇敢面對大家，係一個好開始。」他表示一定會打電話給衞詩打氣。