化妝遮大髀傷口 (13)廖祉甯撲水通波仔
昨日首次着泳裝會見傳媒的(13)「Barbie姐」廖祉甯，全程表現緊張，原來因擔心開刀的疤痕現形：「因為我有心臟病，要喺大髀內側開刀檢查血管，全靠化妝師遮得好！（個傷口喺左邊定右邊？）留番畀你哋搵！（化妝時尷尬？）都會！因為靠近敏感部位。」她透露上次缺席亞姐活動亦因做手術，並自爆手術費高達七萬港元：「如果再發現有問題就要通波仔，好彩我自細有儲錢同有朋友幫手！（緋聞男友有冇金錢資助？）私人嘢遲啲先講，唔知朋友願唔願意講。」
此外，向來寸寸貢的「Barbie姐」竟「認衰」，笑言自己偏肥，但希望傳媒手下留情，以「平均」一詞形容其身材。她又表示最欣賞(12)閔蘭，大讚對方的古銅色肌膚相當吸引，但並沒視她為最大勁敵：「所有參賽者都係勁敵！」
向來寸爆的廖祉甯直言最鍾意思考，未知是否諗金句寸人？
有「Barbie姐」之稱的廖祉甯與熊貓公仔合照，果然童心未泯。