祖兒戥好姊妹開心
好姊妹蔡卓妍（阿Sa）跟陳偉霆（William）拍拖，容祖兒似乎早就知情，昨晚她出席朱薰的喜宴時一度漏口風說：「你見阿Sa咁靚，就知佢活於開心感覺中啦！」她承認有和阿Sa私下傾感情事，相信William是好男友。至於泳兒昨日出席活動時亦說：「係咩？真定假？我唔知，就算係都係好事，佢哋幾襯呀！阿Sa好Sweet，William好型，如果真係會恭喜佢哋。」不過她不能接受姊弟戀：「男仔年紀細好小朋友，我唔想變媽媽。」
另外，對於阿Sa與William的戀情，同公司的鍾舒漫說：「好Surprise！係正常反應，William好易同人Friend，如果佢哋拍拖都係好事，等William起身都想打畀佢八卦吓。」
泳兒指阿Sa與William十分相襯。
對於好友阿Sa譜新戀情，容祖兒戥她開心。