關詠荷紮紮跳證冇餡
靚媽關詠荷為美容食品擔任代言人，昨日出席見證會時表示，食用後有明顯效果，更笑言因要測試效果，暫不會與老公張家輝分享。
問到有傳再度懷孕，她紮紮跳以示「清白」：「我肥咗啫！不過唔係有咗呀！因為近排比較悠閒，又冇刻意減肥，不過最重要都係靚啫！」至於是否希望追多個，荷姐笑言囡囡會呷醋：「佢之前都話想要個細佬妹，但依家佢冇啦！仲要求我同老公唔准抱第二個小朋友！呢啲嘢順其自然啦！唔會刻意！」最近視帝之爭炒得火熱，曾於97年奪得「最佳女主角」的她睇好陳豪及林峯：「不過祥仔（黎耀祥）都係勁敵，佢哋啲收視都好似唔錯。（有冇追劇？）冇呀！不過間唔中都有睇吓！」
關詠荷昨日出席見證會時，攬着兩位小妹妹合照。