黃宗澤胡杏兒新劇奉旨親熱
由徐小明監製的電視劇《跑馬場》昨日在深圳舉行新聞發布會，女主角胡杏兒因事缺席，只錄製片段講感受，留下緋聞男友兼男主角黃宗澤（Bosco）獨撐簽約儀式。
Bosco表示最近甚少跟杏兒合作，今次可奉旨談情半年！問到有否親熱戲？他說：「未知，但我同杏兒、張娜拉都有感情線，預咗有親熱鏡頭。（嫌杏兒悶唔揀佢？）我冇權話事呀！」提到愛犬去世，Bosco稱獲杏兒透過微博安慰，問到會否影響拍攝情緒？他說：「演員係玩弄感情嘅職業，多人時就冇乜嘢，但靜落嚟嘅時候，情緒會低落。」問到與杏兒情侶檔演出是否特別貴？Bosco耍太極拒答，徐小明則說：「合理嘅！佢兩個合作，Noise都大啲啦！」
徐小明和黃宗澤在深圳出席新劇發布會及簽約儀式。
胡杏兒因事缺席，現場播放錄製片段講感受。