JC嚴禁渡邊知夏子驗胸

日本名模渡邊知夏子曾公開質疑警鐘胸模特兒Jessica C.（JC）「打假波」，JC不滿反指自己「打真軍」。前晚渡邊和JC繼「胸戰」後首度同場，但兩人竟齊齊失憶，忘掉昔日恩怨，渡邊更懶理JC胸部是否真材實料，拒絕摸胸驗證！

前晚渡邊和JC偕日本名模Elli Rose及諸葛梓岐等為時裝派對行騷，同場還有台灣女星陳喬恩及謝婷婷等。渡邊起初大打親民牌，表示再跟JC見面很開心，但提到曾質疑JC隆胸，她即哈哈大笑扮失憶的說：「你哋真係好記性！（今次認為佢胸部係真？）冇乜留意佢個胸，可能以前聽到啲謠言，所以人哋問我，我都唔知真定假。（摸JC胸驗真偽？）絕對唔會，係佢自己嘅嘢，我冇所謂。我唔會做隆胸手術，冇興趣。」

至於JC同樣失憶：「乜係佢？你哋講我先記得，希望佢唔好再講。（嬲？）唔會，只係當時Hurt My Feeling。（畀佢摸胸驗？）任何人都唔摸得，除咗男友！件事過咗去，生命有限，應好好享受每一日。」她並澄清肚臍形狀怪是穿臍環所致，並非隆胸，也不會以男友名字紋身：「雖然我好愛佢，如果要紋只係仔女同媽咪個名。」

扮瑪麗蓮夢露興奮

另外，JC昨日以瑪麗蓮夢露造型出席活動，同行有四位反串夢露的男生，男友Sergio亦有陪伴左右，她說：「可以扮佢真係好，佢係Sexy Icon，我幾個姊妹都好正。（怕男友鍾意埋佢哋？）我哋可以一齊分享佢o架！淨係佢哋咋！」

另外，陳喬恩表示昨晚會觀賞好友楊千嬅的個唱：「她會介紹她老公給我認識，我希望像她一樣幸運，找到心目中的王子。（林志玲被指漏稅？）我跟她不熟，但我每年都被稅局點名去查稅，好好報就OK。」