黃秋生怒斥：等同強暴女星
網上有色情網站公然將女星的靚相「加工」變三點盡露，一向敢言的黃秋生亦看不過眼：「網絡世界已經進入無政府階段喇！好恐怖囉！政府同私隱專員要主動出擊，唔好等有人報案同投訴先做嘢，依家咁樣，等同啲女星畀人精神上非禮，甚至係強暴！仲成世界嘅？啲女星仲使出街？」
至於杜汶澤亦戥一班受害女星不值：「係咪應該有法律去制止呢啲咁嘅行徑呢？網民可以有性幻想，但都要尊重人哋。如果個女星想畀你睇，佢自己會除衫，佢唔除衫即刻唔想畀你睇啦！」他呼籲網民大可從合法又免費的路徑去找「慰藉」﹕「其實網上面有好多免費嘅日本AV片，啲AV女郎身材好，又願意畀你睇，起碼唔係移花接木『打假波』嘛！」
黃秋生為受害女星發聲，要求當局出手整頓歪風。(資料圖片)