近日再受隆胸傳聞困擾的「警鐘胸」名模Jessica C.，昨日封胸擔任時裝店ZTAMPZ剪綵嘉賓。對於因早前在內衣騷上露出凸肚臍而被質疑曾接受由肚臍植入矽袋的隆胸手術，她坦言曾看過相關報道，當日行騷時已知道肚臍被影，並笑笑口解釋隆胸傳聞：「其實係穿臍環嘅疤痕，我覺得我個肚臍好型，唔會做咩手術去改變佢！我男友都覺得我有個得意嘅肚臍，同其他人唔同！」她又揚言不會以新臍環遮掩疤痕：「呢個係形象！其實我初初嚟香港做嘢都係咁，只係依家先畀人影到！我都有穿脷環，但係為咗外形整潔而除咗！」