梁詠琪（GiGi）昨日到電台宣傳於平安夜假北京舉行的演唱會，對於港台今年選擇在平安夜舉行頒獎禮，似有阻歌手「搵食」之嫌，她坦言聖誕是歌手搵銀的黃金檔期，望港台體諒歌手，又表示贊成取消四台聯頒獎項：「少咗TVB個獎對歌手唔公平！」港台十大中文金曲大會總監馮偉棠則強調，為盡量不影響歌手，故平安夜當日只會在中午舉行活動，問到是否取消四台聯頒獎項？他說：「我哋仲同緊其他媒介開會，暫時不便表態！」
此外，GiGi昨日在微博公布愛貓Poppy逝世的消息，難怪她接受電話訪問時一度哽咽：「Poppy係意外過身，但詳細唔想講，因為好多歌迷都好鍾意佢，唔想令歌迷唔開心，媽咪已經幫我搞好Poppy嘅身後事！」
