諸葛梓岐與樂基兒昨日出席時裝品牌KOOKAI舉行的《Make Every Day a Greener Day》慈善活動，並與官恩娜及Lisa S.等設計環保袋籌款。諸葛梓岐以「多走幾步樓梯」為設計主題，並自爆閒時會與男友行樓梯及行山，不過，問到知否陳法拉有份角逐無綫視后，她即冷淡地說：「唔清楚！少時間睇電視，如果有時間會睇！（只睇外國劇集？）唔係，我之前都有睇《摘星之旅》。」記者指該劇沒有陳法拉，她即說：「係咩？」
至於樂基兒昨晨6時才由法國返港，自嘲瞓到面腫腫，她以「衣服回收」做環保袋設計題材，並自言一向喜歡着舊衫，更曾打老公黎明主意：「我之前都有剪佢以前啲衫着！（啱身？）啱着，佢之前瘦啲！」
