第二次奪得「傑出衣着」的古巨基，昨晚包到冚現身，對於在上海領獎，他表示十分榮幸：「近年開始設計衫同有自己品牌，對時裝擺多咗心思同關注。」問到平日是否由助手女友Lorraine配搭衣着，他笑着反問：「邊個女友？掌櫃？佢負責打理生意上嘅嘢多啲！」
他與陳奕迅（Eason）無論歌喉或穿衣打扮都經常被外間作比較，基仔認為各有所長：「唔好成日比較啦！大家係兩種人，我都好鍾意Eason嘅穿衣味道。」他表示Fans最欣賞他修長的「彈琴手」及長腿，問到他的幼長是否較Eason的短粗優勝，他即大講有味笑話：「邊部分先？我唔評論人，手長腳長都係Fans講！」
