名模陳沛嘉與Ella昨日為醫學美容中心開幕擔任嘉賓，貪靚的她指減脂肪及骨膠原增生最適合都市人，還自嘲說：「年紀漸漸大，皮膚愈嚟愈差，好易鬆。」記者笑問胸部有否鬆弛？Ella尷尬地說：「我唔會好鬆弛，唔係好好身材，冇乜危機，之前有前輩教我幫胸按摩會大啲，但我太懶。（搵男友幫手？）唔好，專業人士啱啲！」

痕到瞓唔着

此外，Ella表示會抽時間做Facial及按摩，問到男友有否讚她皮膚好？Ella即大呻：「呢排好慘，成身敏感出粒粒，痕到瞓唔到，到成身損晒，好驚啲人以為我爛肉，遲啲可能做過敏測試，希望快啲好番。（對男友敏感？）吓，唔會啩，醫生話可能係蟲。」

陳沛嘉賣口乖

同場的陳沛嘉穿低胸裙亮相，比着DVF短裙的Ella更性感，Ella說：「佢好身材，我唔好獻醜。」陳沛嘉則表示近年由於經常曬太陽和化妝，導致面部出現色斑，非常害怕拍照時影大頭相，她不忘賣口乖指接受美容療程後情況改善很多。