王菀之（Ivana）昨日在活動上分享探訪尼泊爾的經歷，她表示當地環境惡劣，要涉水而行，酒店經常停電，被迫用凍水沖涼，她說：「我學識煮尼泊爾餐，好多食物都有蟻又有蟲，體力上算係咁多次探訪最辛苦嘅一次。」由於探訪時遇上連場大雨，身處山區的Ivana面對山泥傾瀉的危機，她說：「其實每日都好擔心，日日都祈禱，同埋打返香港同父母講『I Love You』，好怕再冇機會講，（諗起張敬軒？）完全冇諗過佢。」對於同樣積極參與慈善活動的謝安琪當選傑青，Ivana恭賀對方，但表示自己做慈善探訪只望得到香港市民最大的回響，籌募善款幫助貧窮人士。