女星楊采妮（Charlie）、模特兒周倩圯、「翻版關之琳」Jocelyn Luko及著名時裝設計師何國鉦等出席Salvatore Ferragamo及施華洛世奇合辦的《Step into Pink》派對。明顯膚色比前黝黑的Charlie，表示近來經常游水而曬黑，更透露早前參演徐克的3D新片。她說：「今次係第四次合作，可以話係見證我成長過程，今次係第一次做番女人。之前喺佢啲戲都係做梁祝或者係男人外表女兒身，今次飾演律師。」至於執導新片計劃，Charlie預計在年底或明年初開工，笑言要碌爆人情卡請幫手，更指該片是談及人性，不是愛情片。

Jocelyn Luko穿上紅衣出席活動。

周倩圯指不少港人戴有色眼鏡看待真空。

談到感情生活，Charlie說現在單身，專心工作，對於好友李心潔亦已婚，會否受影響想快嫁，她說：「心潔婚後都成日同我哋一齊，唔會影響，順其自然。（莫文蔚享受做『剩女』？）我想做『盛女』，覺得人生要豐盛，最緊要是開心，我見佢都好開心。」

周倩圯單身寂寞

同場以透視連身裙真空上陣的周倩圯，直言是貼乳貼，不過現場所見，她似乎有戴Nude Bra。問到是否感不自然，她說：「冇唔自然，今次戴Bra就會影響美感，之前喺巴黎影相好多時都係真空，香港有好多人會戴有色眼鏡，喺外國真空好正常。」她續稱在巴黎冇艷遇：「見好多朋友都結婚生仔，都好想快啲拍拖，我太耐單身寂寞好耐，如果遇到啱唔排除會閃電結婚。」