06/10/2010

播放本新聞相關短片

祖兒恨拍拖 司機照殺

向來與緋聞絕緣的容祖兒,前日與好友黃偉文遠赴巴黎欣賞時裝騷。多次遊巴黎的她坦言從沒有艷遇,還自嘲不介意與法國司機拍拖,恨拍拖恨到出口!

每季時裝周開鑼,時裝之都巴黎便會特別熱鬧,皆因不少名人紅星均會前來「潮」拜。容祖兒、黃偉文(Wyman)、范冰冰及樂基兒於巴黎時間前日分別獲不同品牌邀請睇騷。其中,祖兒孖着老友Wyman到場,一身貴婦打扮的她激讚巴黎醉人美景及美食,可惜從沒遇過俊男:「次次都冇艷遇,童話故事唔會發生喺我身上!(想同法國男仔拍拖?)幫我揸車嘅司機係男人,我唔介意男朋友係司機。」她又透露此行會為雜誌拍攝,期間有空檔可以鬆一鬆:「都會Shoppong吓,但應該唔會太瘋狂,因為身邊都有好多人。我都會同Wyman去食我最鍾意嘅海鮮同飲咖啡輕鬆吓,巴黎係全世界最靚嘅地方!」祖兒還笑言曾經想在巴黎租單車,但最終因為單車款式太新穎而打消念頭。

樂基兒有眼不識老佛爺

至於「黎明嫂」樂基兒(Gaile)透露八年前首次到訪巴黎,當時二十歲出頭「入世未深」,在餐廳巧遇鼎鼎大名的設計師老佛爺Karl Lagerfeld也無甚反應。記者笑問可會與老公黎明重臨巴黎?她笑說:「會!應該要啦!我要試唔同嘅餐廳,下次可以帶佢一齊食。」談到另一名模Rosemary涉藏毒,她表示與對方是朋友,大家彼此也有電話,若Rosemary有需要便會致電她,但不會主動騷擾對方,亦不便評論人家的事。

名人組