昨日鍾欣桐（阿嬌）、洪卓立、詩雅、Ana R.及汪圓圓出席活動，各人全以連身短裙示人。阿嬌穿上價值千多元Kloset品牌的Tube Dress，她透露因長期戴頭冠拍攝內地劇，導致頸椎生骨刺：「痛到瞓唔到，連左右兩邊擰都痛。」剛返港一星期的她說：「日日都留喺屋企休息，已經去咗針灸，醫師話好嚴重。（影響工作？）要擺大動作嘅廣告同電影都唔會接住。（點做打女？）會好番o架嘛！」
另外，擔任頒獎嘉賓的汪圓圓自爆小時候已很貪靚：「細個好唔鍾意着褲，成日要求着裙。（接唔接受整容？）對自己不滿係自己決定，同人無關，我暫時對自己好滿意，不過人會變，會保留呢個空間。」
