昨日「千億新抱」徐子淇穿上四吋高踭鞋出席《雪花百家被，祝願送溫暖》慈善活動，行動證明沒有懷孕：「如果我有咗瞞唔到大家，因為以我嘅經驗，懷孕一個月就會見肚，個鼻又會脹大，面又會腫，我依家等上天賜畀我，急唔嚟，不過有努力中。（係咪想生仔？）梗係想啦！好多人以為係老爺（李兆基）畀壓力我，其實老爺一次都冇畀過壓力我，就係因為佢咁好，而呢個係佢嘅心願，所以我好想盡力。」
問到大伯李家傑有意收購TVB一事，她表示很懷念以往在TVB拍劇的日子，與同劇藝員關係融洽，有如一家人，但不打算復出幕前：「我心願係做主婦同照顧兩個女，囡囡帶畀我嘅快樂好珍貴。」她續表示即使技癢，老公李家誠亦不會批准：「佢驚我曝光太多影響小朋友。」她又表示早前想看周杰倫演唱會亦不敢，免得被指只顧追星不湊女。
同場的何潤東大讚子淇是最漂亮媽媽，又指緋聞女友大S是最美麗的單身女子，但表示雙方沒有時間深入了解，故未有發展。問到理想女友類型？他說：「要孝順，要有赤子之心，同埋有自己嘅理想。」