江若琳（Elanne）今年生日在北京拍劇度過，原本生日當晚只打算簡單吃一頓飯，豈料她光顧的酒樓老闆竟是其粉絲，特別安排全酒樓的侍應走到其房間大唱生日歌！由於Elanne事前全不知情，故當侍應衝入房時，令她大吃一驚，她說：「突然之間，有人伸隻手入嚟熄燈，跟住聽到有人數『3、2、1』，之後有成廿幾人衝入房，感覺好似飛虎隊追擊咁，真係嚇咗一跳！」而同場的張致恒與專程趕來祝壽的徐正曦，亦笑不停口！問到酒樓老闆是否有意追求？Elanne說：「我由始至終都冇見過對方，個酒樓老闆只係客氣招待啫！唔好諗咁多啦！」
