昨日Kay以唯一一位演藝人代表，亦是歷屆中入行年資最淺的得獎藝人，彪炳成績可謂破紀錄！盛裝出席《十大傑出青年選舉2010》記者會的她，當上台致謝辭時，一度激動得眼泛淚光！Kay除感謝天父給予機會推動慈善外，亦感激2006年「傑青」兼任職警隊的提名人林景昇督察，問到會否覺得年資尚淺便得獎，她說：「我入行以來，不斷有做扶貧、環保、助養孤兒等工作，有時做慈善工作嘅時間比商業演出仲多。」Kay自爆上月初已得知獲獎，但因要保密而忍得十分辛苦，直至開記者會才告知老公張繼聰。

網友質疑「攞得太快」

Kay透露老公在微博恭喜自己，晚上則打算跟家人食飯慶祝，問到張繼聰也致力慈善工作，會否當提名人提名老公？她說：「如果佢有呢個意向，我都會做提名人。」至於會否視「十大世界傑青」為下一個目標？Kay說：「未諗到，但呢次係一個好大嘅鼓舞，因為得來不易。」其經理人透露大會甄選十分嚴格，不會因藝人身份而加分，「傑青」更有五年沒有藝人當選。但對於Kay得獎，有網友質疑她「攞得太快」，matthew1990說：「Kay攞呢個獎好似快咗些少喎！ps我都想HOCC（何韻詩）有得拎。」而另一網民Rolls.Royce則覺得合理。

至於張繼聰昨日出席活動期間表示，已得知太太當選「傑青」：「當然戥佢開心，佢真係做好多慈善工作貢獻社會，今次獲獎係對佢一個肯定，如果佢賞面的話都會請佢食餐飯！」他又力撐Kay日前在音樂會上並非甩嘴：「我睇過條片，佢只係唱得唔夠穩，未至於甩嘴！」

另一邊廂，李克勤昨日在其新碟簽唱會上表示，Kay獲「傑青」感覺為公司爭光，又笑言已超齡，只可選「十大傑出中佬」：「阿倫（譚詠麟）未攞過嘅獎，我都唔敢攞！」

克勤指阿倫沒攞過的獎，他都不敢攞！

放大圖片

此外，Kay早前破天荒為有線電視的韓國劇集《同伊》獻唱主題曲，當日她自彈自唱，盡顯天后級琴技。