模特兒Mandy Lieu昨日與周汶錡、李嘉慧及楊崢出席FANCL活動，穿上性感Deep V晚裝的她大晒事業線，搶盡「峰」頭，她表示晚裝由大會安排：「個個着都會靚。（平時好少露事業線？）睇大會安排，最緊要靚。」稍後她將到日本工作，但不擔心安全問題：「公司安排好安全，好照顧我哋，唔會有事。（唔驚突然畀人圍或者辱罵？）唔會。（扮唔識中文？）唔會，我係中國人嚟！」她亦沒有為此行特別買重保險，只如常買了旅遊保險。
另外，麥浚龍（Juno）昨日出席活動時透露日本女優蒼井空將來港宣傳電影《復仇者之死》，問到有否安排人手保護？他說：「唔需要，佢有工作人員同行。」他表示月底會到日本傾生意，但女友戴庚玲不會同行：「佢要返工，我只係留兩、三日工作，驚悶親佢，唔關安全問題。」