還以為「性感女神」高海寧（高Ling）的Fans都是清一色男生，但原來其Fans層面甚廣，男女老少都有，她大讚女孩子送的禮物特別花心思：「我成日叫Fans唔使送咁貴嘅禮物，所以佢哋會整啲心意卡或者相集畀我，由我初出道至每次活動嘅相片都集齊，仲喺旁邊畫公仔同寫感受。」男Fans雖然不會動手剪剪貼貼，但會將高Ling的節目燒錄成光碟，她笑說：「阿媽因為唔係太識用錄影機，錄唔錄到都唔知，好彩嗰位Fans好用心，連廣告都Cut埋，真係好好！」
如果是高Ling的超級粉絲，就一定知道其外號叫「麵包超人」，每年生日必定收到一個卡通公仔，她興奮地說：「呢個外號係讀書時候改，因為我天生顴骨位較高，笑起上嚟兩舊肉好似麵包超人，今年一月生日，有Fans送咗呢個公仔畀我，所以好開心。」
