本報昨日接獲讀者報料，指亞姐大會以十．一黃金周酒店爆滿為由，安排來自外地的佳麗入住旺角砵蘭街時鐘酒店，房間小兼衞生差，直指亞視缺錢逼佳麗屈就。
來自多倫多的佳麗祁翼力撐亞視：「房間有點小，但挺乾淨！我在酒店見過有小孩子，住客多是內地遊客，我不覺是時鐘酒店！（有曱甴？）只在樓梯看過，房間沒有。大會安排挺好，這裏是暫住，過幾天會安排我們轉酒店。」
亞姐大會發言人葉家寶亦否認虧待候選佳麗：「間酒店唔喺砵蘭街，亦唔係時鐘酒店！（冇Budget？）嚟自美加賽區嗰四位佳麗所屬嘅賽區單位，原本答應負責佳麗香港住宿，最後將責任交番畀亞視，呢筆預算係額外嘅！我哋本來想訂以前訂過嘅汀九區酒店，但爆滿訂唔到，大會揀酒店以安全同方便為原則，依家呢間旺角區酒店係其中一位佳麗提議，因為佢曾經住過！」