黃宗澤（Bosco）、林保怡及高海寧等昨日宣傳新劇《讀心神探》，早前被指與陳法拉於微博傳情的Bosco，直斥報道「流到唔流」：「微博真係宣傳嘅好幫手，又畀到靈感大家喎！（胡杏兒介意？）佢冇嬲，不過佢希望下次揀佢靚啲嘅相囉！其實我唔怕，法拉有男友o架嘛！（你都有女友！）咩話？拍拖唔會公開，結婚就會，如果散咗會尷尬！（同杏兒有共識？）呢啲嘢半明不暗就最好啦！」早前交了7位數字稅款的他自爆很窮，希望儲錢結婚！至於高海寧則穿上4、5吋的高踭鞋，走路時「搖搖吓」，相當搞笑！