娥姐嫁到，幾乎令《公主嫁到》行埋一邊，還引發搶人潮。與娥姐分屬好友的「三公主」佘詩曼近期人氣Hit爆，今日她既要谷劇，又想出席娥姐婚宴，陷入左右做人難的局面。
現年48歲的商天娥終覓得Mr.Right，今天她下嫁開設燈飾公司的李偉誠，晚上更於灣仔筵開數十席大宴親朋。可是婚宴遇上程咬金，適逢今晚是無綫重頭劇《公主嫁到》大結局，《公》劇更於大埔超級城舉行兩小時大團圓活動，雖然不少與娥姐分屬好友的劇中演員希望能親身到賀，可惜灣仔及大埔路程甚遠，難以分身赴會。曾答應擔任婚宴司儀的阮兆祥，笑言要着古裝與「三公主」阿佘一同赴宴。今次娥姐和公主同時「嫁到」，引發嚴重搶人潮！
群星即場拍片恭賀
不過《公》劇監製梅小青似乎未肯放人，她接受本報電話訪問時強調一切以工作為先：「好多藝人有同我講想去飲，無奈撞正大結局，所以同劇組商量過，我哋會喺現場集齊所有演員拍一段片段恭賀娥姐，仲會即時傳畀佢睇，彌補不足！」除了阿佘及祥仔外，陳豪、陳法拉、黃浩然、陳敏之、關菊英等《公》劇演員亦會出席活動，當中不少是娥姐婚宴的座上客。
謝寧韓馬利做姊妹
但娥姐在圈中打滾多年，絕不愁冇人去飲，與她同期訓練班出身的劉嘉玲、劉青雲及吳君如已答應赴宴，而青雲更曾致電娥姐表明，一定帶同老婆郭藹明出席。娥姐曾跳槽亞視，故亞視亦會派影后鮑起靜及萬綺雯列席，而無綫則派出汪明荃、樂易玲及曾勵珍到賀。而姊妹團則以謝寧、韓馬利等圈中姊妹組成。
另外，黃浩然昨日為越野慈善賽擔任星級大使，即場試玩攀石，他表示從未玩過攀石，但在大學時期曾參加越野比賽。對於《公》劇成績理想，浩然直言帶挈他賺到不少外快：「連廣東一帶都有人搵我登台，希望開拍續集！」
娥姐婚宴
時 間：晚上八時開始
地 點：灣仔君悅酒店
出席嘉賓：劉嘉玲、吳君如、劉青雲、郭藹明等
《公主嫁到》結局宴
時 間：晚上八時開始
地 點：大埔超級城
出席嘉賓：佘詩曼、陳豪、陳法拉、阮兆祥等