周柏豪與何超雲公然隔空打情罵俏後，「雲柏戀」傳聞即鬧得熱烘烘。柏豪昨日現身灣仔探班，面對記者繼續追問「情史」，他仍氣定神閒，並大方表示已於網上聯絡超雲，還激讚對方人品好：「佢兩姊妹都好有心支持我，不過今年我只係廿五歲，黃金時期梗係要搏命做嘢先。（超雲好多人追？）咁我都知！」

周柏豪已原諒DaDa失場，但話中有骨。資料圖片

超雲突然在微博上載歌詞，相信是向周柏豪傳情。

問到會否因對方家世而不敢放膽追求，柏豪直言戀愛大過天：「如果我真係追佢，我唔會理其他嘢嘅！講真，我本身都有啲有錢朋友，唔通因為咁而唔同對方做朋友咩？」提起「未來外父」何鴻燊，柏豪更落力賣口乖：「佢直情係我偶像啦！應該係全部男人嘅偶像。（羨慕對方乜嘢？）事業囉！佢好厲害，為人又風趣。」另一邊廂的超雲昨日不忘透過微博向柏豪「傳情」，以許茹芸歌曲《好聽》歌詞作回應：「你說的話我都相信……這個夢多美麗，讓它繼續……你說的話總那麼好聽，你愛不愛我不想確定，然後靜靜輕輕是再也不去理……」看來「雲柏戀」火已蓄勢待發。

接受DaDa為失場道歉

另外，DaDa Lo早前拍劇失場，令身為拍檔的柏豪空等一場，她最終道歉補鑊。柏豪昨日回應指已接受對方道歉，但又有弦外之音：「如果佢真係擔心前途，我諗要比其他人更加努力先得，因為做錯過嘢嘛！」