入圍最佳導演的《十月圍城》導演陳德森，對於電影獲九項提名高興地說：「我對台灣有個情意結，因為當年部《紫雨風暴》第一次被提名最佳導演。（阮經天同王學圻爭影帝？）我對王老師好有信心，佢喺戲入面以一個內地演員身份，對住咁多位香港演員，而佢要去演繹一位香港人，嗰個演繹好活生生，令人睇完之後好感動。（出席頒獎禮？）當日部戲喺台灣宣傳，我已經承諾咗，如果入圍就拉大隊去開Party，所以到時一定會支持。」