葉問生前曾經說過「怕打終被打」，鼓勵弟子勇於面對敵人，因為令人恐懼的只有恐懼本身，指詠春強調應發力時才發力，不作無謂的消耗，除了是攻守的取捨外，更是一種判斷形勢的練習，簡師傅說：「我記得師傅以前成日話練力難，點樣練到將力應用則用，就係詠春易學難精嘅原因。練過詠春嘅人會比較有意識去保護自己，我經常搭飛機，曾經諗過如果遇上劫機會點呢？我可以講，我出手唔係要傷人，而係要對方瞓低。（如果遇上類似菲律賓人質事件，你會點反應？）曾經有人問我話如果人哋一槍打埋嚟，識功夫又有乜用，我會話就算同個槍手一樣拎住支槍互射，我打出嘅子彈都準過佢，因為練詠春令我揸起槍嚟雙手都會比其他人伸得直！當然我唔係蠢，到你拎得支槍出嚟，我梗係唔會仲用對八斬刀嚟對你。」