前晚，William、達仔、泳兒、謝安琪（Kay）到廣州出席活動，達仔帶同跳舞學生助興，其中一位成員意外跳爆台板玻璃，更有面積大如一元硬幣的玻璃插入鞋中，達仔說：「自己有啲貼地動作都減少咗，唔知使唔使賠！但好開心可以帶學生衝出香港表演，不過就一波三折，有人病咗、有人回鄉證過期，本來10個人，依家得番8個！」他又表示未入行前出席跳舞活動亦有失手，曾把大會布景一分為二。而尾隨表演的William，無懼爛舞台繼續熱舞，他表示未有留意舞台損毀情況：「以前都試過差錯腳跌咗落個舞台嘅窿度，搞到韌帶受傷，依家有啲風濕，可以預測幾時落雨！」

頸部貼上膠布的泳兒	狄易達（左二）率其學生軍團在台上熱舞，連舞台也跳爛。	陳偉霆無懼舞台破損，繼續勁歌熱舞。

謝安琪帶囝囝行善

至於泳兒則表示最近忙於到內地出騷，由於睡眠不足導致頸部爆瘡，更被誤以為是「咖喱雞」！即將生日的她，考慮買車獎勵自己。此外，Kay希望以Part-time形式擔任志願者為亞運出力，並表示會鼓勵囝囝張瞻參與慈善活動，但她說：「唔會同佢一齊去，想佢低調啲！之前帶過佢去一啲小朋友嘅慈善活動，佢都好鍾意，仲話要返工！」