何鴻燊的健康狀況備受關注，三太陳婉珍透露丈夫康復進度好好，不但可行走，也能講說話，至於是否開始處理工作？她說：「佢始終做過腦手術，而且年齡又咁大，唔可以廿四小時好似平常人咁，有時太攰都會有少少亂，唔係好精神時，會答唔到你問題，但若果瞓得好，佢狀態可以好好，仲識得講笑。」她又表示若賭王身體再好些會返公司，但不是現在。問到賭王入院時，對她來說是否最大壓力、最辛苦的時刻？三太說：「嗰時冇諗辛唔辛苦，只係諗盡自己力量去做到最好，令何生舒服、開心，諗點樣令佢有進展。」而子女亦不是其壓力來源，她大讚子女乖巧，甚少干涉他們拍拖，感情上給予很大的自由度。
