何超雲昨日偕母親三太陳婉珍出席自己舉辦的慈善二手衫拍賣活動，為抑鬱症病人籌款，母女二人大方捐出多件名牌二手衫益街坊。對於近日先後與林峯及周柏豪傳緋聞，超雲大方地說：「林峯已經係過去式！同柏豪唔係！我睇佢兩場舞台劇，因為第一場未睇完就走咗，未睇晒，所以先睇埋第二場！」她坦言柏豪曾送簽名CD給她，更爆妹妹超蓮與柏豪是好朋友。

超雲捐出多件名牌二手衫做善事。

超雲搞二手衫慈善義賣活動籌款，媽咪三太到場支持。

問到與柏豪會否有發展機會？超雲說：「機會話唔埋，不過暫時唔會諗，因為我就快返英國。如果好彩同明星拍拖，最重要係佢嘅人係咪好，乜嘢行業、階級都會有好人，一齊亦會有好影響，如果到時真係，我會灌輸呢方面嘅知識畀我媽咪。」而三太對於兩位女兒愛追星似乎冇晒辦法：「呢個階段，要佢哋唔接觸娛樂圈嘅人係冇可能，就算叫佢哋唔好追星，佢哋都會追，佢哋自己識得處理。」

拍拖收收埋埋

另一邊廂，周柏豪昨晚出席時裝活動時與超雲不約而同地表示不排除發展機會：「呢啲事話唔定，大家年輕人，今日唔知聽日事！」他更承認對兩姊妹有好感，大讚兩姊妹各有各好，又表示現正單身，更以「唔知點解」來解釋與姊妹二人傳緋聞，但自爆與超雲早於入行前已認識，雙方有電話聯絡：「如果我係拍拖，我係唔會公開、會收埋！」

周柏豪不諱言對超雲有好感，一直有聯絡。

周柏豪與緋聞女友鍾浠文（左）及楊愛瑾出席活動，可謂「左右逢源」！