陳法拉昨晚出席活動時表示，因不太了解福岡事件而不願回應，至於短期內會否拒絕赴日？法拉亦沒有直接回應：「記憶中，去親日本都好安全，特別情況下去旅行都要小心啲！」對於被指跟黃宗澤於微博傳情，她說：「斷章取義！我同黃宗澤、劉璇三個人玩，只係報道Cut咗劉璇！我都有同胡杏兒互動，冇寫出嚟啫！（避忌啲？）微博係藝人表達真實一面嘅渠道，正常同事唔需要避忌！」至於有傳無綫下令藝人不要跟陳志雲同場，法拉表示冇收過通知。
至於同場的李克勤亦有談福岡事件：「梗係唔好，掉轉都唔好，唔好將旅遊政治化！（避去日本？）短期都冇計劃去！」而黃秋生則與楊崢、蔣怡及李嘉慧等名模合照，心情靚絕！
