中日局勢緊張除影響藝人外，不少圈中潮人亦被波及！有「日本通」之稱的王友良說：「以前喺東京都見過啲激進分子，佢哋會揸車用大聲公大叫，宣揚大日本主義，不過冇人會理！（佢哋好大勢力？）我諗每個國家都有偏激人士，不過行動上唔太偏激，唔知係咪東京市以外會偏激少少呢？」
至於另一「日本通」鄭家輝說：「中國旅客去日本旅行啫！真係好無辜！日本方面有不滿都有好多方法表達，唔需要做到咁！下星期我要去東京拍旅遊節目，我唔擔心安全問題，但想提去日本嘅旅客記得帶護照出街，因為日本警察平時都會查身份證同護照，以免引起不必要誤會！」
