昨日何超儀與丁子高出席Max & Co.首辦相展及Trompe L'oeil手挽袋慈善拍賣揭幕，前日本報獨家拍到奧斯卡影后瑪莉安歌迪雅低調來港為沙士題材電影《Contagion》開工，問到有份參演的何超儀拍攝進度時，她笑言收到最高指令要封口，至於是否與荷里活型男祖狄羅及麥迪文合作，她依然大耍太極，着大家自行發掘，但直言禁不住興奮，並自爆：「當中有個荷里活男星嚟過香港出席活動，我哋有同枱食飯，當晚好多靚女圍住佢，但佢唔騷啲靚女，淨係同我講嘢。」翻查資料，祖狄羅曾到港出席活動，並與超儀於活動上碰頭。

一個嚇七個勇救阿婆

另外，超儀透露將接拍另一部電影及推出唱片，問她工作排得密麻麻，豈非沒時間造人？她說：「冇乜呢方面計劃，如果呢個世界再有咁多天災人禍，好大機會只會領養。（老公肯？）佢肯。（爹哋呢？）唔知。」她自認有使命感，曾為救陌生人而以一敵七：「細個時蒲蘭桂坊，有個婆婆賣花，成日見佢畀醉漢同外國人玩，有次睇唔過眼，為個婆婆同人出手打交。（你唔夠人打？）唔係，原來打交唔係用力而係靠道氣，估唔到我一個咁矮嘅女仔，可以嚇窒六、七個大隻洋漢。」