謝婷婷、吳雨霏及鍾舒漫等昨晚出席時裝品牌Monki首間專門店開幕，揚言不怕被打的婷婷透露，已接拍另一套動作片，被問到是否從小被媽咪拉姑打大，她說：「佢曾經打過我，有次佢話我同哥哥鍾意打交，就要我哋互打同互摑，哥哥打得好細力，但我就出盡力打佢！」對於有傳阿嫂張栢芝復出拍戲的酬勞每日百萬，婷婷說：「唔清楚！（羨唔羨慕？）我依家開心有自己嘅工作，不過要做到佢咁，真係難啲！（想唔想同佢合作？）睇上天安排。如果真係拍，最好一家人拍，拍賀歲片都幾好！」
至於鍾舒漫則表示因趕時間而在車上化妝，惟因車上欠照明導致「兩截色」：「我化妝同冇化差好遠！（考慮整容？）靠化妝都OK，我冇需要整容，但唔反對人哋整。」
