名模Jessica C.（JC）昨日與三名外籍女模在銅鑼灣行內衣騷，其中以力谷33C警鐘心形胸的JC最搶鏡，惟因部分Bra不太合身，一度出現離罩醜態。憑內衣騷成名的JC坦言，不介意行內衣騷報答「知遇之恩」：「因為行騷令我多咗香港人識，令我夢想成真！（行騷有冇尷尬？）冇！我好有自信，係好好嘅機會Show我嘅Body！（驚唔驚走光？）唔驚！出場前我係咁喺鏡前左照右照！」

平日頂到冚的JC竟然離罩，莫非因備戰殺入荷里活而消瘦？

JC（左）的豐滿上圍將身旁的外籍女模比下去。

認畀錢男友使

席間，JC透露最愛野性的豹紋內衣，問到會否接受穿內衣拍戲？她說：「如果劇情合理就冇問題，我上一部戲都着比堅尼啦！」並透露下月將到美國為一部荷里活電影試鏡，問到會否視Maggie Q為目標？她說：「唔算係！我有自己Style！」談到Rosemary已回港，JC表示與她不相熟，但會送上祝福。

此外，JC透露行騷前已知會男友Sergio，但禁止對方到場：「我太介意佢點諗，佢喺度我會怕醜！（有傳你畀錢男友使？）係有畀！但佢有做嘢，如果佢有，佢都肯養我！其實我多數錢都係畀媽咪！」