容祖兒為騰出更多時間排練11月的演唱會，近月將工作濃縮及節食減磅，令僅餘的「咪咪」也縮水，但她自言有妙法令平胸現波濤！
激瘦的祖兒昨日穿上露臍低胸背心和皮褲，出席「《空港》雙白金銷量冠軍祝捷會&Concert Number 6容祖兒演唱會強勢加場」記者會。她雖捱到眼紅兼面青，但見新碟銷量達3萬張，演唱會第三度加場，現由11月19至26日共舉行8場，人逢喜事精神爽的她仍滿場飛，對英皇高層吳雨送上8個貼上囍字的椰子更愛不釋手，還期望個唱再加開至十場，可平08年個唱紀錄：「我唔介意『嫁』畀紅館。」
自嘲賣骨感
祖兒表示消瘦是因本月要完成10及11月的工作，除無暇休息外，又要節食：「依家雪櫃入面啲美食，睇吓就當食咗，阿媽好心痛，我已經瘦到最瘦時嘅新低點喇！」問到會否擔心演唱會時胸部更細？她全不介意，還自嘲是賣骨感，一向「冇嘢睇」。而之前出席慈善騷時現「事業線」乃「幻象」，她哈哈笑說：「似海市蜃樓咁，一瞬即逝，或者我『潛一潛』搵番出嚟。」祖兒預計進入演唱會倒數期時，會變得更骨瘦如柴，因要狂排舞及做運動。
懶理海報遭抨擊
此外，祖兒以Smoky Eyes拍攝演唱會海報，《破相》MV則化上白臉妝，各具特色又夠潮，卻遭抨擊似「哈囉喂」，祖兒覺得每人的觀點不同：「我好滿意造型喎！我啲朋友都讚靚，呢件事引證咗唔可以討好所有人，只要大部分人話好就接受。」