曾與Rosemary十分老友的名模Ana R.，昨日出席活動時表示不知道對方已返港，她說：「冇打畀佢，佢係好姊妹，我愛佢，畀空間佢，呢次係佢嘅轉捩點，唔好畀負面嘢佢，佢需要正能量。」她亦未有致電Rosemary媽咪Julie，只知她忙於處理離婚。
另外，名模Jocelyn與老公Anthony昨日出席慈善活動時表示，暫不會聯絡Rosemary：「之前聯絡過，但依家唔會打畀佢，知道佢好煩，要處理好多事，佢有事可以打畀我，我好樂意幫手。」至於陳沛嘉與趙嘉懿在另一活動上表示，不知道Rosemary已返港，陳沛嘉說：「之前有問候佢，喺電話都係關心佢，唔問案情，希望佢冇事，快啲出嚟行騷，佢行騷有特色。」趙嘉懿則表示Rosemary出事前曾探望她與BB：「佢男友陪佢返係共患難，我好欣賞佢男友支持佢，遲啲會發短訊問候，返得嚟即係冇事！」
