容祖兒昨日率領師妹鄭希怡（Yumiko）和師弟洪卓立（Ken）出席百老滙分店開幕，已為廣告商拍攝10個廣告的她，即將拍攝全新廣告，祖兒坦言酬勞每年遞增，但否認進帳千萬，她笑笑口說：「實際幾多自己知，唔係囉！邊有呀！」拍畢新廣告後，祖兒便要「閉關」全程投入11月的個唱綵排，只見她雙眼布滿紅筋，狀甚疲累，她亦坦言疲憊不堪：「之前有幾日試過踎低起身見頭暈，做到金睛火眼咁，又試過失眠瞓唔到，我要調節吓，但絕對唔會靠藥物。」另外，祖兒否認雜誌指她御准林欣彤簽約英皇的傳聞，她說：「冇聽過呢個消息，亦冇權去揀人！」但她大讚林欣彤唱歌有Heart！

Yumiko狂掘「人仔」

至於Yumiko則透露過去兩個月長駐內地拍電視劇，她笑言掘「人仔」掘得十分開心：「拍劇雖然時間長，但吸引之處唔單止係酬勞，最重要係同演員相處愉快。（男友有冇探班？）冇呀，但有栢芝煮飯畀我哋食，同陪我玩！」

洪卓立自爆等錢使

曾在台灣拍劇拍到肺積水的Ken亦很想到內地拍劇，問到會否擔心體力應付不來？他說：「今時今日唔得都要得！（你好等錢使？）個個都等錢使，之前病嘅時候使咗好多錢！」