英皇集團主席楊受成昨晚率女兒楊玳詩、旗下歌手泳兒、鍾舒漫、吳浩康及詩雅出席《亞洲職業籃球挑戰賽》。有傳英皇以400萬元羅致「小巨肺」林欣彤加盟，楊受成笑說：「我邊有咁多錢。」但他坦承曾與無綫接洽，又說：「相信佢好難簽其他唱片公司，應該係無綫自己用。」他直言非常喜歡林欣彤，亦欣賞其歌藝。英皇行政總裁吳雨亦在電話中承認公司對林欣彤有興趣及有誠意，曾向無綫提交過意見書。
至於有傳林欣彤加盟英皇，泳兒、鍾舒漫將被踢走，但兩女無懼威脅，泳兒說：「唔好用呢啲字眼，好歡迎佢加入英皇大家庭，都想公司簽啲有潛質嘅歌手。」鍾舒漫亦表示見過林欣彤，大讚對方可愛：「我唔會八公司係咪簽佢，最緊要佢開心簽到一間佢鍾意嘅公司。」
