本報前日接獲投訴指曾在節目《味分高下》中擔任天使「啤梨」的張韋怡開舖賣「侵權物品」，最後更被海關冚檔。她昨日在舖內接受訪問表示沒有被海關起訴，但部分貨品包括服裝、隨日本雜誌附送的手袋等仍被扣查，事件已轉交律師處理。她透露海關指仍可照常營業，待親友整理貨物後會再開舖。
張韋怡強調只是為親友看舖，懷疑遭商場同行「大整蠱」，她說：「雖然我唔清楚貨物來源，但相信親友唔會賣冒牌貨。海關話有人舉報好多次，問我哋係咪得罪人。我哋自問冇得罪人，可能因為我嘅藝人身份畀人針對啦！或者我哋賣得平過人，有人唔鍾意囉！成件事好似係個局咁畀人中傷，希望大家可以良性競爭啦！」張韋怡坦言開業兩個月，生意只屬普通，未料竟有人「眼紅」。