昨日《2010亞洲小姐競選》（港澳賽區）十三位候選佳麗首次見傳媒，因廣東話不太純正，自我介紹時「粗口」橫飛，如(2)楊晶變「淫晶」，笑爆全場。至於由港姐過檔的「Barbie姐」(13)廖祉甯則繼續寸寸貢，自我介紹時大談伊索寓言「龜兔賽跑」新解，她強調兔仔驕傲冇錯，反而墨守成規不正確，暗撐自己「寸嘴」冇錯。問到豈非伊索有錯？廖祉甯說：「我冇講過！只係唔適合現今社會，社會係冇真公平，我唔係驕傲只係自戀啫！（冇公平都嚟選？）我冇話過亞姐唔公平，點解你想咁多？」
對於缺席複試仍入圍，廖祉甯一時自爆因突發性心臟病入院，更叫記者到伊院查紀錄，但一時又指只是突發性心肌發炎，問到能否承受比賽刺激？她說：「笨豬跳唔得，海盜船就得。」問到她曾登記註冊結婚及大露背照流出，亞視高層葉家寶代答指她確有往登記但冇註冊，露背相則是擔任模特兒工作時被偷拍。